BASES DAS AXUDAS A DEPORTISTAS DE ELITE NON PROFESIONAIS DO CONCELLO DE RIVEIRA

O Concello de Riveira informa de que xa están publicadas no Boletín Oficial da Provincia da Coruña (BOP do día 4 de decembro, que se achega) as bases reguladoras da convocatoria para a concesión de bolsas a deportistas de elite non profesionais para o exercicio 2009 no concello de Riveira.

Estas bases teñen por obxecto establecer os criterios e procedementos para a concesión de subvencións a deportistas de elite non profesionais que, despois de acreditar unha calidade inicial e unha especial dedicación á actividade deportiva, auguren unha proxección inmediata ou futura para o deporte de alta competición, de acordo cos principios de obxectividade, concorrencia e publicidade.

O Concello de Riveira dispón dunha contía orzamentaria de 6.000 euros para destinar a esta convocatoria. A contía individual das subvencións non poderá exceder dos 1.500 euros.

As solicitudes deberán presentaranse no rexistro xeral do Concello de Riveira, ou en calquera outros rexistros públicos aos que se refire o artigo 38.4 da Lei 30/92, de 26 de novembro, de Réxime Xurídico das Administracións Públicas e do Procedemento Administrativo Común.

Poderán optar a estas subvencións as persoas que reúnan os seguintes requisitos:

• Ter condición de deportista na práctica dalgunha disciplina olímpica.
• Non pertencer as categorías veteranos ou máster.
• Estar empadroado no Concello de Riveira, como mínimo, dende xaneiro do ano 2007.
• Posuír licenza federativa en vigor, expedida pola federación deportiva correspondente.
• Estar ao corrente coas obrigas fiscais co Concello de Riveira, así como coas obrigas coa Axencia Tributaria e a Seguridade Social.

 Axudas BOP 1

 Axudas BOP  2

 Axudas BOP 3