O CIM de Riveira organiza un obradoiro de autoestima e empoderamiento para mulleres.

Por iniciativa do Centro de Información á Muller (CIM), mañá martes 9 de maio dará comezo un novo Obradoiro sobre Autoestima e Empoderamento dirixido a mulleres.

Será impartido pola psicóloga do CIM Mª Ángeles Pazos Sieira. Desenvolveranse nas aulas do CIM e constará de 6 sesións ata o vindeiro 13 de xuño en horario de 11 a 12.30 horas.

Celebrarase para un grupo máximo de 15 persoas. Aínda queda algunha praza libre e as interesadas poden contactar co CIM a través do número de teléfono 981 874 131.

Os obxectivos da iniciativa son:

1-Coñecer e analizar os conceptos de autoestima e empoderamento

2-Adquirir capacidades técnicas e ferramentas de empoderamento

3-Despatriarcalizar e xestionar as nosas emocións e sentimentos

4-Coñecer novas formas de amarse e de quererse.

5-Empoderarnos para entender que é mellor facer o amor e non a guerra

6-Aprender a sufrir menos e disfrutar máis da forma de vivir como mulleres.

7-Aprender a disfrutar da soidade e da compañía.

8- Coñecer os mitos do amor romántico

9- Aprender técnicas de autodefensa A) autodefensa mental,. B) autodefensa emocional e C) autodefensa verbal. e D) aspectos teóricos da autodefensa física.