Gastronomía e receitas
Algúns dos locais de comidas máis representativos do concello ofrecen unha receita propia en deferencia pola visita virtual, que pode converterse en real. Proben a xogar a ser un cociñeiro, e logo comparen in situ e gocen dos restaurantes de todo o municipio.
|
Bacallau ao pil-pil con crocante da súa pel
Por cortesía de Baiuca Restaurante |
 |
Ingredientes para 1 ración: 220 gr. de bacallau, 2 dentes de allo, 25 cl. de aceite, 2 ramas de pirixel.
1) Desalgar, limpar e cortar o bacallau en dados (despois de quitarlle previamente a pel).
2) Nunha tixola dóurase o allo fileteado, retírase, e no mesmo aceite fritir o bacallau e darlle voltas ata emulsionar o aceite. Despois, botarlle o allo e o pirixel. Por último, dourar a pel no aceite moi quente para decorar o prato.
|
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - |
II. Caldeirada de pescada, rape e rodaballo
Por cortesía de Casa Penín |
 |
Ingredientes: aceite, caldo de pescado, viño branco, 2 quilogramos entre os tres peixes (as proporcións quedan a criterio propio), 1/2 quilogramo de patacas, chícharos, tomate, pemento, sal e pementa.
Preparación: cocción a lume forte e logo lento, arredor duns 20 minutos.
|
| - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - |
III. Papietas de tenreira recheas de paté de "jabugo" e champiñóns ao Pedro Ximénez, con flor de pataca e tomate confeitado recheo de puré de cebola.
Por cortesía de Casa Hermo |
 |
Ingredientes necesarios para 1 ración: 4 champiñóns (grandes), 1/2 cebola, 2 pementos de piquillo e 4 olivas negras; 50 gr. de paté; 1 tomate, 1 cebola, alfabaca, tomiño, romeu, loureiro, aceite oliva virxe, 1 pataca cortada en reixa.
|
1) Preparar un recheo refogando en aceite de oliva o champiñón e a cebola, logo engádense olivas e o pemento piquillo en tiras finas. Bótaselle viño Pedro Ximénez (redúcese, é dicir, evapóraselle o alcohol); finalmente, engádeselle o paté de "jabugo". Duración: 10 minutos aproximadamente.
2) Colócanse os 4 filetes de tenreira en cruz - 2 e 2 -, póusase o recheo no centro e préganse os filetes, que se atan ou se pinchan cuns paus, e dóuranse. Retíranse as papietas e no mesmo aceite bótanse cenorias, allo, cebola e porro para elaborar a masa na que se porán as papietas. Redúceselle viño branco e máis un pouco de fariña e caldo de carne e tritúrase no batedor ata formar a salsa.
3) Para preparar a gornición, métese un tomate baleirado sobre aceite de oliva virxe e a lume moi lento conféitase. No aceite bótase alfabaca, loureiro, tomiño, pementa negra en gran... Déixase confeitar, uns 10 minutos. Logo á pataca dáselle forma de reixa cunha mandolina, e nunha tixola pintada con aceite vaise formando unha flor coas tiras e a lume moi lento ata que estean douradas.
|
|
|
|
